Nýbúinn að drekka og aðeins að teygja úr mér og njóta augnabliksins!

Fá mér smá lúr í stóra rúminu hans pabba og hennar mömmu minnar.

Bara eitthvað að hanga og ræða heimsmálin.

Í flotta kóngagallanum mínum - ég ætla nefnilega að verða kóngur einn daginn.

Alltaf að æfa mig að halda haus og þá er skemmtilega að horfa á flottu myndirnar á þessum líka fína borða sem mamma og pabbi gáfu mér í jólagjöf.

xx Einar Arnar og co.

p.s. átti að skila rosa góðri kveðju til allra frá mömmu og segi því takk fyrir allar afmæliskveðjurnar!!

Aftur afmæli!

Já, það er mikið um afmæli í familíunni núna því að í dag á engin önnur en mamma mín afmæli!
Skvísan orðin 26 ára gömul :o)

Ég og mamma að knúsast.

Mamma nýbúin að baða mig, mmmm huggó.

Bless að sinni,

xx Einar Arnar og co.

Afmæli afmæli

Á laugardaginn átti Erna stóra frænka mín afmæli en Einar Arnar gleymdi sér aðeins en betra er seint en aldrei. Í dag á Mamma hennar Ernu, Ransý systir mömmu, afmæli svo við óskum þeim til hamingju með daginn!
Ég og Erna frænka í góðu tjilli heima hjá mér.

Ransý frænka að knúsa mig á skírnardaginn minn.

Hér er ég nýkominn inn úr göngu með mömmu og Muggi - haldið þið að það sé stæll á manni. Í peysunni sem Hervör prjónaði á mig og vestinu sem Ransý gaf mér um daginn.


Til hamingju elsku Ransý og Erna með daginn.


xx Einar Arnar og co.

Einar Arnar

Nýfæddur

Nokkurra daga

3-4ra vikna

5-6 vikna

7 vikna

8-9 vikna

Alltaf sama krúttið

Mér datt í hug að gera samantekt á lífi Einars Arnars, svona til að sjá breytinguna en þegar öllu er á botninn hvolft er hann alltaf jafn mikið krútt.

9 vikna

Verið að skipta á prinsinum ... ein af uppáhalds iðjum

hans!

Hjúkkan kom og mældi Einar Arnar í gær

Eitthvað minnir þetta mann

á storkinn (sem kemur með börnin)

Smá glott í fína ömmustólnum sem

Hervör, Kristín, Ásta og Magga gáfu honum.

Var búinn að vera svo duglegur að halda haus

þegar orkan dvínaði datt maður aðeins á hliðina.

Bara huggó.

Já, maður er líka sjamerandi

úr fókus.

Ligg í vöggunni hennar mömmu og virði fyrir mér

allar fínu myndirnar.

Úff... myndir segja meira en þúsund orð.

xx Einar Arnar og co.

9 vikna og 2ja daga (samt rétt tveggja mánaða)

Hæhæhæ!

Við ætluðum að vera rosalega dugleg í dag og setja inn nýjar myndir en það er eitthvað pikkles í gangi og myndirnar koma ekki inn. Það er að frétta af okkur að Einar Arnar er orðinn 5.5 kíló (þyngdist sem sagt um 760 gr. á þremur vikum - mamma greinilega með rjóma í brjóstunum :o)

Hvað um það. Einar Arnar er farinn að brosa í gríð og erg, sér í lagi þegar hann er búinn að borða og nývaknaður, þá liggur sko vel á manni. Hann sefur á hverjum degi úti í vagni, allt frá 2 tímum upp í 4 en þá byrja garnirnar að gaula og minn maður vill fá að drekka.

Dagurinn hjá okkur er mjög huggulegur; vöknum um hádegi (eða eitt því þá kemur pabbi heim úr skólanum), fáum okkur að borða og svo leggur Einar Arnar sig aftur - þá úti í vagni. Eftir þann lúr fær hann sér að drekka og vakir í svona 1-2 tíma en það er algjört hámark því litli gaurinn hefur ekki mikið þol í að vaka lengi. Svona um 7 eða 8 leytið leggur hann sig aftur og kúrir í svona 1-2 tíma en þá vill hann láta fylla á "tankinn" aftur.
Þegar hann vakir vill hann helst sitja hjá mömmu eða pabba og ræða málin- hjala smá, brosa og skríkja. Mjög djúpar samræður þar!

Þegar Einar Arnar fer að sofa á kvöldin fer hann alveg einn upp í rúm og sofnar - yfirleitt.

Núna erum við að lesa Bróðir minn Ljónshjarta (lesum aðeins í henni ef Einar Arnar sefur inni á daginn) Honum finnst rosalega notalegt að hlusta á upplestur mömmu sinnar.

Set inn myndir vonandi á morgun.

xx Einar Arnar og co.